۱۳۹۰/۰۱/۱۹

اورمیه گولو یاواش - یاواش خریطه ده ن سیلینیر

اورمیه گؤلو قورویور. حکومتین مسئله ایله باغلی وعدلری سؤزدن او یانا گئتمیر. گونازتو-نین شرحینه اساساً، گؤل تامام قورویارسا، او زامان صحرا کولک‌لری اکین ساحه‌لرینی دوزلا اؤرته‌جک، یئرالتی سولار شورلاشا‌جاق. بونو شرقی آذربایجان کند تصرروفاتی ایداره‌سی‌نین تمثیلچی‌سی مسعود محمدیان سؤیله‌ییب. اونون سؤزلرینه گؤره، بو فلاکت شرقی آزربایجانین 204 مین هئکتار تورپاغینا بیرباشا، 600 مین هئکتارا ایسه دولایی‌سی ایله منفی تأثیر گؤستره‌جک. علاوه ائدیب کی، بو گؤستریجی ایالتین 307 مین ها دمیه، 300 مین ها سوواریلان تورپاق‌لارینا شامیل ائدیلیر.
اورمیه گؤلونون قوروماسینا اؤلکه و بئینلخالق ایجتیمایتین دقتینی چکمک مقصدی ایله آپرئلین 2-ده "اعتراض کامپانیاسی" کئچیریله‌جک.
سون پرئزیدئنت سئچکی‌سین‌دن اؤنجه محمود احمدی نئژادین باشچی‌لیغی ایله حکومت ایجلاسلاریندان‌ بیرینده اونون رهبرلیگی آلتیندا اورمیا گؤلونون پروبلئم‌لری‌نین آراشدیریلماسی ایله باغلی دؤولت کومیسسیاسی یارادیلدیغی اعلان اولونسا دا، اؤتن ایکی ایله یاخین مدت عرضینده گؤلون قوروماسی‌نین قارشی‌سی‌نین آلینماسیندا عملی ایش گؤرولمه‌ییب. سؤزلر ود اولا‌راق قالیب. متخصص‌لر ایسه هیه‌جان تبی‌لی چالیرلار کی، بو گئدیشله اورمیه گؤلو خریطه‌دن سیلینه‌جک.
آینا قزئتی
کؤچورن: اؤیرنجی
http://goo.gl/Rz9Mw